Skip to content
Robert Burns Home Search

← Back to the work and its versions

Wandering Willie. Last Version

Cunningham (1855)

Here awa, there awa, wandering Willie,
  Here awa, there awa, haud awa hame;
Come to my bosom, my ain only dearie,
  Tell me thou bring’st me my Willie the same.

Winter winds blew loud and cauld at our parting,
  Fears for my Willie brought tears in my e’e;
Welcome now simmer, and welcome my Willie,
  The simmer to nature, my Willie to me.

Rest, ye wild storms, in the cave of your slumbers,
  How your dread howling a lover alarms!
Wauken, ye breezes, row gently, ye billows,
  And waft my dear laddie ance mair to my arms.

But oh, if he’s faithless, and minds na his Nannie,
  Flow still between us, thou wide roaring main;
May I never see it, may I never trow it,
  But, dying, believe that my Willie’s my ain.

Digital text from Project Gutenberg.

View the source edition · p. 278

About this edition

Cunningham’s preface discusses several poems he left out of the collection.

Project Gutenberg ebook licence notice