Skip to content
Robert Burns Home Search

← Back to the work and its versions

Galla Water

Cunningham (1855)

There’s braw, braw lads on Yarrow braes,
  That wander thro’ the blooming heather;
But Yarrow braes nor Ettrick shaws
  Can match the lads o’ Galla Water.

But there is ane, a secret ane,
  Aboon them a’ I lo’e him better;
And I’ll be his, and he’ll be mine,
  The bonnie lad o’ Galla Water.

Altho’ his daddie was nae laird,
  And tho’ I hae nae meikle tocher;
Yet rich in kindest, truest love,
  We’ll tent our flocks by Galla Water.

It ne’er was wealth, it ne’er was wealth,
  That coft contentment, peace, or pleasure;
The bands and bliss o’ mutual love,
  O that’s the chiefest warld’s treasure!

Digital text from Project Gutenberg.

View the source edition · p. 277

About this edition

Both print four quatrains. Dick opens “Braw, braw lads” and continues “They rove amang”; Cunningham begins “There’s braw, braw lads” and “That wander thro’”. Dick has “peace, and pleasure”; Cunningham “peace, or pleasure”.

Project Gutenberg ebook licence notice