Skip to content
Robert Burns Home Search

← Back to the work and its versions

The weary pund o’ tow

Cunningham (1855)

The weary pund, the weary pund,
  The weary pund o’ tow:
I think my wife will end her life
  Before she spin her tow.
I bought my wife a stane o’ lint
  As gude as e’er did grow;
And a’ that she has made o’ that,
  Is ae poor pund o’ tow.

There sat a bottle in a bole,
  Beyont the ingle low,
And ay she took the tither souk,
  To drouk the stowrie tow.

Quoth I, for shame, ye dirty dame,
  Gae spin your tap o’ tow!
She took the rock, and wi’ a knock
  She brak it o’er my pow.

At last her feet—I sang to see’t—
  Gaed foremost o’er the knowe;
And or I wad anither jad,
  I’ll wallop in a tow.
    The weary pund, the weary pund,
      The weary pund o’ tow!
    I think my wife will end her life
      Before she spin her tow.

Digital text from Project Gutenberg.

View the source edition · p. 252

Project Gutenberg ebook licence notice