Skip to content
Robert Burns Home Search

← Back to the work and its versions

O Willie brewed a peck o’ maut

Cunningham (1855)

O, Willie brew’d a peck o’ maut,
  And Rob and Allan came to see:
Three blither hearts, that lee-lang night
  Ye wad na find in Christendie.
    We are na fou, we’re no that fou,
      But just a drappie in our e’e;
    The cock may craw, the day may daw,
      And aye we’ll taste the barley bree.

Here are we met, three merry boys,
  Three merry boys, I trow, are we;
And mony a night we’ve merry been,
  And mony mae we hope to be!

It is the moon—I ken her horn,
  That’s blinkin in the lift sae hie;
She shines sae bright to wyle us hame,
  But, by my sooth, she’ll wait a wee!

Wha first shall rise to gang awa’,
  A cuckold, coward loon is he!
Wha last beside his chair shall fa’,
  He is the king amang us three!
    We are na fou, we’re no that fou,
      But just a drappie in our e’e;
    The cock may craw, the day may daw,
      And aye we’ll taste the barley bree.

Digital text from Project Gutenberg.

View the source edition · p. 241

About this edition

Four quatrains and a chorus in both editions; Cunningham repeats the chorus at the end. Dick’s final stanza prints “Wha first beside his chair shall fa’”; Cunningham has “Wha last”. This consequential edition difference is retained without silent correction.

Project Gutenberg ebook licence notice