Skip to content
Robert Burns Home Search

← Back to the work and its versions

There’s a youth in this city

Cunningham (1855)

    There’s a youth in this city,
    It were a great pity
That he frae our lasses shou’d wander awa:
    For he’s bonnie an’ braw,
    Weel-favour’d an’ a’,
And his hair has a natural buckle an’ a’.
    His coat is the hue
    Of his bonnet sae blue;
His feck it is white as the new-driven snaw;
    His hose they are blae,
    And his shoon like the slae.
And his clear siller buckles they dazzle us a’.

    For beauty and fortune
    The laddie’s been courtin’;
Weel-featured, weel-tocher’d, weel-mounted and braw;
    But chiefly the siller,
    That gars him gang till her,
The pennie’s the jewel that beautifies a’.
    There’s Meg wi’ the mailen
    That fain wad a haen him;
And Susie, whose daddy was laird o’ the ha’;
    There’s lang-tocher’d Nancy
    Maist fetters his fancy—
But the laddie’s dear sel’ he lo’es dearest of a’.

Digital text from Project Gutenberg.

View the source edition · p. 237

About this edition

Cunningham’s preface discusses several poems he left out of the collection.

Project Gutenberg ebook licence notice