Skip to content
Robert Burns Home Search

← Back to the work and its versions

Green Grow the Rashes

Cunningham (1855)

Green grow the rashes, O!
  Green grow the rashes, O!
The sweetest hours that e’er I spend
  Are spent amang the lasses, O.

There’s nought but care on ev’ry han’,
  In every hour that passes, O:
What signifies the life o’ man,
  An’ ’twere na for the lasses, O.

The warly race may riches chase,
  An’ riches still may fly them, O;
An’ tho’ at last they catch them fast,
  Their hearts can ne’er enjoy them, O.

But gie me a canny hour at e’en,
  My arms about my dearie, O;
An’ warly cares, an’ warly men,
  May a’ gae tapsalteerie, O.

For you sae douce, ye sneer at this,
  Ye’re nought but senseless asses, O:
The wisest man the warl’ e’er saw,
  He dearly lov’d the lasses, O.

Auld Nature swears the lovely dears
  Her noblest work she classes, O:
Her ‘prentice han’ she try’d on man,
  An’ then she made the lasses, O.
    Green grow the rashes, O!
      Green grow the rashes, O!
    The sweetest hours that e’er I spend
      Are spent amang the lasses, O.

Digital text from Project Gutenberg.

View the source edition · p. 214

About this edition

Cunningham prints “canny”, “warly” and “try’d”; Dick has “cannie”, “warl’y” and “tried”. Cunningham’s fourth verse includes “the warl’ e’er saw”; Dick has “the warl’ saw”. Cunningham repeats the chorus after the last verse. The1787 witness retains its inherited screening status.

Project Gutenberg ebook licence notice