← Back to the work and its versions
The Laddies by the Banks o’ Nith
Cunningham (1855)
The laddies by the banks o’ Nith, Wad trust his Grace wi’ a’, Jamie, But he’ll sair them, as he sair’d the King, Turn tail and rin awa’, Jamie. Up and waur them a’, Jamie, Up and waur them a’; The Johnstones hae the guidin’ o’t, Ye turncoat Whigs awa’. The day he stude his country’s friend, Or gied her faes a claw, Jamie: Or frae puir man a blessin’ wan, That day the Duke ne’er saw, Jamie. But wha is he, his country’s boast? Like him there is na twa, Jamie, There’s no a callant tents the kye, But kens o’ Westerha’, Jamie. To end the wark here’s Whistlebirk, Lang may his whistle blaw, Jamie; And Maxwell true o’ sterling blue: And we’ll be Johnstones a’, Jamie.
Digital text from Project Gutenberg.
View the source edition · p. 168
About this edition
Cunningham’s preface discusses several poems he left out of the collection.