Skip to content
Robert Burns Home Search

← Back to the work and its versions

Dinna Think, Bonny Lassie

Scots Musical Museum, vol. VI (1839) · no. 556

Dinna think bonie Lassie I'm gaun to leave you.

O dinna think bonie lassie I'm gaun to leave you,
Dinna think bonie lassie I'm gaun to leave you,
Dinna think bonie lassie I'm gaun to leave you;
I'll tak' a stick into my hand an' come again an' see you.
Far's the gate ye hae to gang, dark's the night an' eerie,
Far's the gate ye hae to gang, dark's the night an' eerie,
Far's the gate ye hae to gang, dark's the night an' eerie,
O stay this ae night wi' your love, an' dinna gang an' leave me.

It's but a night an' ha'f a day that I'll leave my dearie,
But a night an' ha'f a day that I'll leave my dearie,
But a night an' ha'f a day that I'll leave my dearie,
When e'er the sun gaes west the loch, I'll come again an' see thee;
Dinna gang my bonie lad, dinna gang an' leave me,
Dinna gang my bonie lad, dinna gang an' leave me,
When the lave are sound asleep I am dull an' eerie,
An' a' the lee lang night I'm sad, wi' thinkin' on my dearie.

O Dinna think bonie lassie I'm gaun to leave you,
Dinna think bonie lassie I'm gaun to leave you,
Dinna think bonie lassie I'm gaun to leave you,
When e'er the sun gaes out o' sight I'll come again an' see you,
Waves are rising o'er the sea, winds bla loud an' fear me,
Waves are rising o'er the sea, winds bla loud an' fear me,
While the waves an' winds do roar, I am wae an' dreary;
An' gin ye loe me as ye say, ye winna gae an' leave me.

O Never mair bonie lassie will I gang an' leave thee,
Never mair bonie lassie will I gang an' leave thee,
Never mair bonie lassie will I gang an' leave thee,
E'en let the warld gae as it will I'll stay at hame an' cheer thee;
Frae his hand he coost the stick, I winna gang an' leave thee,
Threw his plaid into the neuk, never can I grieve thee,
Drew his boots an' flang them by, cry'd my lass be cheerie,
I'll kiss the tear frae aff thy cheek, an' never leave my dearie.

View the source edition · Dinna think bonie Lassie I'm gaun to leave you.; pp. 574,575