Skip to content
Robert Burns Home Search

← Back to the work and its versions

When I Think on My Lad

Scots Musical Museum, vol. VI (1839) · no. 552

When I think on my lad.

When I think on my lad
I sigh and am sad
For now he is far frae me,
My daddy was harsh,
My minny was warse
That gart him gae yont the sea.
Without an estate,
That made him look blate;
And yet a brave lad is he
Gin safe he come hame,
In spite of my dame,
He'll ever be welcome to me.

Love speers na advice
Of parents o'er wise,
That have but ae bairn like me,
That looks upon cash,
As naething but trash,
That shackles what shou'd be free.
And tho' my dear lad
No ae penny had,
Since qualities better hae he;
A'beit I'm an Heiress,
I think it but fair is,
To love him since he loves me.

Then, my dear Jamie,
To thy kind Jeanie,
Haste, haste thee in o'er the sea,
To her wha can find
Nae ease in her mind,
Without a blyth sight of thee.
Tho' my daddy forbad,
And my minny forbad,
Forbidden I will not be;
For since thou alone
My favour hast won,
Nane else shall e'er get it for me.

Yet them I'll not grieve,
Or without their leave,
Gi'e my hand as a wife to thee;
Be content with a heart,
That can never desert,
Till they cease to oppose or be.
My parents may prove
Yet friend to our love,
When our firm resolves they see:
Then I with pleasure
Will yield up my treasure,
And a' that love orders [to?] thee.

View the source edition · When I think on my lad.; pp. 570,571