Skip to content
Robert Burns Home Search

← Back to the work and its versions

Thy Cheek Is o' the Rose's Hue

Scots Musical Museum, vol. VI (1839) · no. 531

Thy cheek is o' the roses hue.

Thy cheek is o' the rose's hue,
My only joe and dearie O,
Thy neck is like the siller dew
upon the bank sae brierie O;
Thy teeth are o' the ivory,
O sweets the twinkle o' thine ee,
Nae joy nae pleasure blinks on me,
My only joe and dearie O.

The birdie sings upon the thorn
It's sang o' joy fu' cheerie, O!
Rejoicing in the simmer morn,
Nae care to mak' it eerie O!
But little kens the sangster sweet
Aught o' the care I hae to meet,
That gars my restless bosom beat,
My only joe and dearie, O!

Whan we war bairnies on yon brae,
And youth was blinkin' bonny O!
Aft we wad daff the lee lang day,
Our joys fu' sweet and monie O:
Aft I wad chase thee o'er the lee,
And round about the thornie tree,
Or pu' the wild-flowers a' for thee,
My only joe and dearie O.

I hae' a wish I canna tine
'Mang a' the cares that grieve me O:
A wish that thou wert ever mine,
And never mair to leave me O.
Then I wad daut thee night and day,
Nor warl'ly care wad hae'
Till life's warm stream forget to play,
My only joe and dearie O.

View the source edition · Thy cheek is o' the roses hue.; p. 548