Skip to content
Robert Burns Home Search

← Back to the work and its versions

'Twas at the Shining Mid-day Hour

Scots Musical Museum, vol. VI (1839) · no. 519

'Twas at the shining mid-day hour.

'Twas at the shining mid-day hour,
When all began to gaunt
That hunger rugg'd at Watty's breast,
And the poor lad grew faint.
His face was like a bacon ham,
That lang in reek had hung
and horn hard was his tawny hand
That held the hazel rung.

So wad the softest face appear
Of the maist dressy spark
And such the hands that lords wad hae,
Were they kept close at wark.

His head was like a heathery bush
Beneath his bonnet blue,
On his braid cheeks frae lug to lug,
His bairdy bristles grew.

But hunger, like a gnawing worm,
Gade rumbling thro' his kyte,
And nothing now but solid gear
Could give his heart delyte.

He to the kitchen ran with speed,
To his lov'd Madge he ran,
Sunk down into the chimney nook
With visage sour and wan.

Get up, he cries, my crishy love,
Support my sinking saul
With something that is fit to chew,
Be't either het or caul.

This is the how and hungry hour,
When the best cures for grief
Are cogue-fous of thy lythy kail,
And a good junt of beef.

Oh Watty, Watty, Madge replies,
I but o'er justly trow'd
Your love was thowless and that ye
For cakes and pudding woo'd.

Bethink thee, Watty on that night,
When all were fast asleep,
How ye kiss'd me frae cheek to cheek
Now leave these cheeks to dreep,

How could ye ca' my hurdies fat,
And comfort of your sight?
How could ye roose my dimpled hand,
Now all my dimples slight?

Why did you promise me a snood,
To bind my locks sae brown?
Why did you me fine garters height,
Yet let my hose fa' down!

O faithless Watty think how aft
I mend your sarks and hose!
For you how many bannocks stown,
How many cogues of brose!

But hark! the kail-bell rings and I
Maun gae link aff the pat;
Come see, ye hash, how sair I sweat,
To stegh your guts, ye sot.

The grace was said, the Master serv'd,
Fat Madge return'd again,
Blyth Watty raise and rax'd himsell,
And fidg'd he was sae fain.

He hy'd him to the savoury bench,
Where a warm haggies stood,
And gart his gooly thro' the bag
Let out its fat heart's blood.

And thrice he cry'd, come eat, dear Madge;
Of this delicious fare;
Syne claw'd it aff most cleverly,
Till he could eat nae mair.

View the source edition · 'Twas at the shining mid-day hour.; pp. 534,535