← Back to the work and its versions
The Battle of Harlaw
Scots Musical Museum, vol. VI (1839) · no. 512
The Battle of Harlaw.
Frae Dunidier as I cam through, Doun by the hill o' Banochie, Alangst the lands of Garioch: Grit pitie 'twas to hear and see. The noys and dulesum harmonie, That e'er that dreiry day did daw, Cryand the Corynoch on hie, Alas! alas! for the Harlaw. I marvlit quhat the matter meint, All folks war in a fiery fairy: I wist nocht qua was fae or friend; Zit quietly I did me carrie. But sen the days of auld king Hairie, Sic slaughter was not herde nor sene, And thair I had nae tyme to tairy, For bissiness in Aberdene. Thus as I wilkit on the way, To Inverury as I went, I met a man, and bad him stay, Requesting him to make me quaint. Of the beginning and the event, That happnit thair at the Harlaw; Then he entrited me tak tent, And he the truth sould tomechaw. Grit Donald of the Yles did claim, Unto the lands of Ross sum richt, And to the Governour he came, Thaim for to haif gif that he micht; Quha saw his interest was but slicht: And thairfore answerit with disdain; He hastit hame baith day and nicht, And sent nae bodward back again. But Donald richt impatient Of that answer Duke Robert gaif, He vowed to God omnipotent, All the hale lands of Ross to haif, Or ells be graithed in his graif. He wald not quat his richt for nocht. Nor be abusit lyk a slaif, That bargain sould be derly bocht.
Excerpt from Museum no. 512; the edition marks its omitted continuation.
View the source edition · The Battle of Harlaw.; p. 528
About this edition
Complete printed excerpt from Museum no. 512; the edition marks its omitted continuation.