← Back to the work and its versions
My Boy Tammy
Scots Musical Museum, vol. VI (1839) · no. 502
My boy Tammy.
Whar hae ye been a' day, my boy Tammy whar hae ye been a' day my boy Tammy. I've been by burn and flowry brae meadow green and mountain grey courting o' this young thing just come frae her mammy. And whar gat ye that young thing my boy Tammy? I gat her down in yonder how, Smiling on a broomy know, Herding ae wee Lamb and Ewe for her poor Mammy. What said ye to the bonny bairn my boy Tammy? I prais'd her een sae lovely blue, Her dimpled cheek, and cherry mou; I pree'd it aft as ye may true She said, she'd tell her Mammy. I held her to my beating heart"—my young my smiling Lammy! "I hae a house—it cost me dear, "I've walth o' plenishan and geer; "Ye'se get it a' war't ten times mair, gin ye will leave your Mammy." The smile gade aff her bonny face—"I manna leave my Mammy. "She's ge'en me meat; she's ge'en me claise; "She's been my comfort a' my days— "My Father's death brought mony wae's—I canna leave my Mammy. "We'll tak her hame and ma her fain, my ain kind hearted Lammy. "We'll gee her meat; we'll gee her claise, "We'll be her comfort a' her days";— The wee thing gi'es her hand and says "There! gang and ask my Mammy." Has she been to Kirk wi' thee my boy Tammy? She has been to Kirk wi' me, And the tear was in her ee,— But Oh! she's but a young thing just come frae her Mammy!
The reading includes the words printed beneath the notes in Museum no. 502.
View the source edition · My boy Tammy.; p. 518
About this edition
Complete song text from Museum no. 502, with its opening score underlay.