Skip to content
Robert Burns Home Search

← Back to the work and its versions

The auld man’s mare’s dead

Dick (1903) · no. 358

The auld man's mare's dead.

CHORUS

The auld man's mare's dead,
The poor man's mare's dead,
The auld man's mare's dead,
A mile aboon Dundee.

She was cut-luggit, painch-lippit,
Steel-waimit, stancher-fitted,
Chanler-chaftit, lang-neckit,
Yet the brute did die.

Her lunzie-bane were knaggs and neuks;
She had the cleeks, the cauld, the crooks,
The jawpish and the wanton yeuks,
And the howks aboon her e'e.

My master ca't me to the town,
He ty'd me to a staincher round,
He took a chapin to himsel,
But fient a drap gae me.

CHORUS

The auld man's mare's dead,
The poor man's mare's dead,
The peats and tours and a' to lead
And yet the jad did die.

View the source edition · The auld man's mare's dead.

View historical scores

Dick’s Songs of Robert Burns (1903)

The auld man's mare's dead.

Full printed page 346 from Dick’s 1903 song collection, preserving words and any notation.
James C. Dick, The Songs of Robert Burns (1903), printed p. 346.National Library of Scotland.

View source · Download citation

Download score page (.jpg)