Skip to content
Robert Burns Home Search

← Back to the work and its versions

Our young lady’s a huntin’ gane

Dick (1903) · no. 346

Our young lady's a huntin gane.

Our young lady's a huntin gane,
Sheets nor blankets has she taen,
But she's born her auld son or she cam hame,
And she's row'd him in her apron.

Her apron was o' the hollan fine,
Laid about wi' laces nine;
She thought it a pity her babie should tyne,
And she's row'd him in her apron.

Her apron was o' the hollan sma',
Laid about wi' laces a',
She thought it a pity her babe to let fa';
And she row'd him in her apron.

Her father says within the ha',
Among the knights and nobles a':—
'I think I hear a babie ca'
In the chamber among our young ladies.'

'O father dear! it is a bairn,
I hope it will do you nae harm,
For the laddie I lo'ed, and he'll lo'e me again,
For the rowin't in my apron.'

O, is he a gentleman, or is a clown,
That has brought thy fair body down?
I would not for a' this town
The rowin't in thy apron.'

'Young Terreagles is nae clown,
He is the toss of Edinborrow town,
And he'll buy me a braw new gown
For the rowin't in my apron.'

'It's I hae castles, I hae towers,
I hae barns, and I hae bowers;
A' that is mine it shall be thine
For the rowin't in thy apron.'

Fragment from Dick’s 1903 edition.

View the source edition · Our young lady's a huntin gane.

About this edition

Complete printed fragment from Dick’s 1903 edition.

View historical scores

Dick’s Songs of Robert Burns (1903)

Our young lady's a huntin gane.

Full printed page 332 from Dick’s 1903 song collection, preserving words and any notation.
James C. Dick, The Songs of Robert Burns (1903), printed p. 332.National Library of Scotland.

View source · Download citation

Download score page (.jpg)