Skip to content
Robert Burns Home Search

← Back to the work and its versions

As I went out ae May morning

Dick (1903) · no. 342

As I went out ae May morning.

As I went out ae May morning,
A May morning it chanc'd to be;
There I was aware of a weel-far'd maid,
Cam linkin o'er the lea to me.

O, but she was a weel-far'd maid,
The boniest lass that 's under the sun;
I spier'd gin she could fancy me,
But her answer was, 'I am too young.

'To be your bride I am too young,
To be your loun wad shame my kin,
So therefore pray young man begone,
For you never, never shall my favour win.'

But amang yon birks and hawthorns green,
Where roses blaw and woodbines hing,
O, there I learn'd my bonie lass,
That she was not a single hour too young.

The lassie blush'd, the lassie sigh'd,
And the tear stood twinklin in her e'e;
'O kind Sir, since ye hae done me this wrang,
It's pray when will ye marry me.'

'It's of that day tak ye nae heed,
For that 's a day ye ne'er shall see;
For ought that pass'd between us twa,
Ye had your share as weel as me.'

She wrang her hands, she tore her hair,
She cried out most bitterlie,
'O, what will I say to my mammie
When I gae hame wi' a fause storie.'

'O, as ye maut, so maun ye brew,
And as ye brew, so maun ye tun:
But come to my arms, my ae bonie lass,
For ye never shall rue what ye now hae done.'

View the source edition · As I went out ae May morning.

View historical scores

Dick’s Songs of Robert Burns (1903)

As I went out ae May morning.

Full printed page 325 from Dick’s 1903 song collection, preserving words and any notation.
James C. Dick, The Songs of Robert Burns (1903), printed p. 325.National Library of Scotland.

View source · Download citation

Download score page (.jpg)