← Back to the work and its versions
Frae the friends and land I love
Dick (1903) · no. 305
Frae the friends and land I love Driv'n by Fortune's felly spite, Frae my best belov'd I rove, Never mair to taste delight; Never mair maun hope to find Ease frae toil, relief frae care: When remembrance wracks the mind, Pleasures but unveil despair. Brightest climes shall mirk appear, Desert ilka blooming shore, Till the Fates, nae mair severe, Friendship, Love, and Peace restore; Till Revenge wi' laurel'd head Bring our banish'd hame again, And ilk loyal, bonie lad Cross the seas, and win his ain.
View the source edition · no. 305; p. 286
About this edition
Both editions print two eight-line stanzas. Dick has laurel’d and ilk loyal, bonie; Cunningham has laurell’d and ilka loyal bonnie. Dick capitalises Fortune, Love and Peace. Cunningham adds commas after love and find in the opening stanza and around the Revenge phrase, with a semicolon after again where Dick has a comma.
View historical scores
Dick’s Songs of Robert Burns (1903)
no. 305; p. 286
