← Back to the work and its versions
’Twas on a Monday morning
Dick (1903) · no. 304
'Twas on a Monday morning.
'Twas on a Monday morning Right early in the year, That Charlie came to our town— The young Chevalier!
CHORUS
An' Charlie, he's my darling, My darling, my darling, Charlie, he's my darling— The young Chevalier! As he was walking up the street The city for to view, O, there he spied a bonie lass The window looking thro', Sae light's he jumpèd up the stair, And tirl'd at the pin; And wha sae ready as hersel' To let the laddie in! He set his Jenny on his knee, All in his highland dress; For brawly weel he ken'd the way To please a bonie lass. It's up yon heathery mountain An' down yon scroggy glen, We daurna gang a milking, For Charlie and his men!
View the source edition · 'Twas on a Monday morning.
View historical scores
Dick’s Songs of Robert Burns (1903)
'Twas on a Monday morning.
