Skip to content
Robert Burns Home Search

← Back to the work and its versions

Lament of Mary Queen of Scots, on the approach of Spring

Dick (1903) · no. 279

Now Nature hangs her mantle green
On every blooming tree,
And spreads her sheets o' daisies white
Out o'er the grassy lea:
Now Phœbus cheers the crystal streams,
And glads the azure skies;
But nought can glad the weary wight
That fast in durance lies.

Now laverocks wake the merry morn,
Aloft on dewy wing;
The merle, in his noontide bow'r,
Makes woodland echoes ring;
The mavis wild wi' monie a note
Sings drowsy day to rest:
In love and freedom they rejoice,
Wi' care nor thrall opprest.

Now blooms the lily by the bank,
The primrose down the brae;
The hawthorn's budding in the glen,
And milk-white is the slae:
The meanest hind in fair Scotland
May rove their sweets amang;
But I, the Queen of a' Scotland,
Maun lie in prison strang.

I was the Queen o' bonie France,
Where happy I hae been;
Fu' lightly rase I in the morn,
As blythe lay down at e'en:
And I'm the sov'reign of Scotland,
And monie a traitor there;
Yet here I lie in foreign bands,
And never-ending care.

But as for thee, thou false woman,
My sister and my fae,
Grim Vengeance yet shall whet a sword
That thro' thy soul shall gae!
The weeping blood in woman's breast
Was never known to thee;
Nor th' balm that draps on wounds of woe
Frae woman's pitying e'e.

My son! my son! may kinder stars
Upon thy fortune shine;
And may those pleasures gild thy reign,
That ne'er wad blink on mine!
God keep thee frae thy mother's faes,
Or turn their hearts to thee:
And where thou meet'st thy mother's friend,
Remember him for me!

O! soon, to me, may Summer's suns
Nae mair light up the morn!
Nae mair to me the Autumn winds
Wave o'er the yellow corn!
And, in the narrow house of death,
Let Winter round me rave;
And the next flow'rs that deck the Spring
Bloom on my peaceful grave.

View the source edition · no. 279; p. 261

About this edition

Both editions retain all seven eight-line stanzas; Dick’s fourth crosses the column break. Dick has laverocks, monie, bonie and sov’reign of Scotland; Cunningham lav’rocks, mony, bonnie and sov’reign o’ Scotland. Dick capitalises the final seasons and has Summer’s suns; Cunningham lower-cases them and reads summer suns. Numerous stops differ, including the last grave period/exclamation.

View historical scores

Dick’s Songs of Robert Burns (1903)

no. 279; p. 261

Full printed page 261 from Dick’s 1903 song collection, preserving words and any notation.
James C. Dick, The Songs of Robert Burns (1903), printed p. 261.National Library of Scotland.

View source · Download citation

Download score page (.jpg)