Skip to content
Robert Burns Home Search

← Back to the work and its versions

O lassie, art thou sleeping yet

Dick (1903) · no. 159

CHORUS.
O, let me in this ae night,
This ae, ae, ae night;
O, let me in this ae night,
I'll no come back again, jo!

O lassie, are ye sleepin yet,
Or are ye waukin, I wad wit?
For love has bound me hand an' fit,
And I would fain be in, jo.

O, hear'st thou not the wind an' weet?
Nae star blinks thro' the driving sleet;
Tak pity on my weary feet,
And shield me frae the rain, jo.

The bitter blast that round me blaws,
Unheeded howls, unheeded fa's:
The cauldness o' thy heart's the cause
Of a' my grief and pine, jo.

HER ANSWER.
CHORUS.
I tell you now this ae night,
This ae, ae, ae night,
And ance for a' this ae night,
I winna let ye in, jo.

O, tell na me o' wind an' rain,
Upbraid na me wi' cauld disdain,
Gae back the gate ye cam again,
I winna let you in, jo.

The snellest blast at mirkest hours,
That round the pathless wand'rer pours,
Is nocht to what poor she endures
That's trusted faithless man, jo.

The sweetest flower that deck'd the mead,
Now trodden like the vilest weed—
Let simple maid the lesson read
The weird may be her ain, jo.

The bird that charm'd his summer day,
And now the cruel fowler's prey;
Let that to witless woman say
'The gratefu' heart of man,' jo.

View the source edition · no. 159; pp. 142–143

About this edition

Dick includes both the caller and Her Answer: an initial chorus followed by three quatrains, then another chorus and four answering quatrains. Cunningham prints the two voices as separate pieces, with choruses embedded and repeated. The caller’s chorus, opening address, weather appeal and pine/pain differ. The answer’s final stanza differs substantially; the separately labelled answer companion gives its own comparison.

View historical scores

Dick’s Songs of Robert Burns (1903)

no. 159; pp. 142–143

Full printed page 142 from Dick’s 1903 song collection, preserving words and any notation.
James C. Dick, The Songs of Robert Burns (1903), printed p. 142.National Library of Scotland.

View source · Download citation

Download score page (.jpg)