As late by a sodger I chanced to pass Dick edition (1903) · no. 166 As late by a sodger I chancèd to pass, I heard him a courtin a bonie young lass, 'My hinny, my life, my dearest,' quo' he, 'I'll mak you be fain to follow me.' 'Gin I should follow you a poor sodger lad Ilk ane o' my cummers wad think I was mad. For battles I never shall lang to see, I'll never be fain to follow thee.' 'To follow me, I think ye may be glad, A part o' my supper, a part o' my bed, A part o' my bed, wherever it be, I'll mak ye be fain to follow me. Come try my knapsack on your back, Alang the king's highgate we'll pack, Between Saint Johnston and bonie Dundee, I'll mak you be fain to follow me.' Dick1903 no.166; printed 148–148; PDF 204–204 https://deriv.nls.uk/dcn23/9125/91259652.23.pdf#page=204