Auld Lang Syne Dick · 1903 · no. 233 · older tune Should auld acquaintance be forgot, And never brought to mind? Should auld acquaintance be forgot, And days o’ lang syne? Chorus. And for auld lang syne, my jo, For auld lang syne, We’ll tak a cup o’ kindness yet, For auld lang syne. And surely ye’ll be your pint-stowp! And surely I’ll be mine! And we’ll tak a cup o’ kindness yet, For auld lang syne. We twa hae run about the braes, And pou’d the gowans fine; But we’ve wander’d mony a weary foot Sin auld lang syne. We twa hae paidl’d i’ the burn, Frae mornin sun till dine; But seas between us braid hae roar’d Sin auld lang syne. And there’s a hand my trusty fiere! And gie’s a hand o’ thine! And we’ll tak a right gude-willy waught, For auld lang syne. No. 233; printed pp. 208–208; PDF pp. 264–264 https://deriv.nls.uk/dcn23/9125/91259652.23.pdf#page=264