Amang the trees, where humming bees Dick · 1903 · no. 254 Amang the trees, where humming bees At buds and flow'rs were hinging, O, Auld Caledon drew out her drone, And to her pipe was singing, O: 'Twas pibroch, sang, strathspeys, and reels— She dirl'd them aff fu' clearly, O, When there cam a yell o' foreign squeels, That dang her tapsalteerie, O! Their capon craws and queer 'ha, ha's,' They made our lugs grow eerie, O; The hungry bike did scrape and fyke, Till we were wae and weary, O. But a royal ghaist, wha ance was cased A prisoner aughteen year awa, He fir'd a fiddler in the north, That dang them tapsalteerie, O! No. 254; printed pp. 230–230; PDF pp. 286–286 https://deriv.nls.uk/dcn23/9125/91259652.23.pdf#page=286