The lovely Lass of Inverness Dick · 1903 · no. 299 The lovely lass of Inverness, Nae joy nor pleasure can she sea; For e'en to morn she cries, 'alas!' And ay the saut tear blin's her e'e:— 'Drumossie Moor, Drumossie day— A waefu' day it was to me! For there I lost my father dear, My father dear and brethren three. 'Their winding-sheet the bluidy clay, Their graves are growing green to see, And by them lies the dearest lad That ever blest a woman's e'e. Now wae to thee, thou cruel lord, A bluidy man I trow thou be, For monie a heart thou hast made sair That ne'er did wrang to thine or thee.' No. 299; printed pp. 281–281; PDF pp. 337–337 https://deriv.nls.uk/dcn23/9125/91259652.23.pdf#page=337