O Kenmure’s on and awa, Willie 1855 · O Kenmure’s on and awa, Willie — Cunningham1855 O Kenmure’s on and awa, Willie! O Kenmure’s on and awa! And Kenmure’s lord’s the bravest lord, That ever Galloway saw. Success to Kenmure’s band, Willie! Success to Kenmure’s band; There’s no a heart that fears a Whig, That rides by Kenmure’s hand. Here’s Kenmure’s health in wine, Willie! Here’s Kenmure’s health in wine; There ne’er was a coward o’ Kenmure’s blude, Nor yet o’ Gordon’s line. O Kenmure’s lads are men, Willie! O Kenmure’s lads are men; Their hearts and swords are metal true— And that their faes shall ken. They’ll live or die wi’ fame, Willie! They’ll live or die wi’ fame; But soon wi’ sounding victorie, May Kenmure’s lord come hame. Here’s him that’s far awa, Willie, Here’s him that’s far awa; And here’s the flower that I love best— The rose that’s like the snaw! printed 253; HTML #songsCXXII https://www.gutenberg.org/files/18500/18500-h/18500-h.htm#songsCXXII