The weary pund o’ tow Dick edition (1903) · no. 215 CHORUS The weary pund, the weary pund, The weary pund o' tow! I think my wife will end her life Before she spin her tow. I bought my wife a stane o' lint As gude as e'er did grow, And a' that she has made o' that Is ae poor pund o' tow. There sat a bottle in a bole Beyont the ingle low; And ay she took the tither souk To drouk the stourie tow. Quoth I: 'For shame, ye dirty dame, Gae spin your tap o' tow!' She took the rock, and wi' a knock She brak it o'er my pow. At last her feet—I sang to see't!— Gaed foremost o'er the knowe, And or I wad anither jad, I'll wallop in a tow. No. 215; printed pp. 192–192; PDF pp. 248–248 https://deriv.nls.uk/dcn23/9125/91259652.23.pdf#page=248