Eppie M’Nab Dick · 1903 · no. 125 O, saw ye my dearie, my Eppie MᶜNab? O, saw ye my dearie, my Eppie MᶜNab? 'She's down in the yard, she's kissin the laird, She winna come hame to her ain Jock Rab.' O, come thy ways to me, my Eppie MᶜNab! O, come thy ways to me, my Eppie MᶜNab! Whate'er thou has done, be it late, be it soon, Thou's welcome again to thy ain Jock Rab. What says she, my dearie, my Eppie MᶜNab? What says she, my dearie, my Eppie MᶜNab? 'She lets thee to wit that she has thee forgot, And for ever disowns thee, her ain Jock Rab.' O, had I ne'er seen thee, my Eppie MᶜNab! O, had I ne'er seen thee, my Eppie MᶜNab! As light as the air and as fause as thou's fair, Thou's broken the heart o' thy ain Jock Rab. No. 125; printed pp. 114–115; PDF pp. 170–171 https://deriv.nls.uk/dcn23/9125/91259652.23.pdf#page=170