Awa, Whigs, awa Dick · 1903 · no. 278 Chorus. [Awa, Whigs, awa! Awa, Whigs, awa! Ye're but a pack o' traitor louns, Ye'll do nae gude at a'. Our thrissles flourish'd fresh and fair, And bonie bloom'd our roses; But Whigs cam like a frost in June, An' wither'd a' our posies.] Our ancient crown's fa'en in the dust— Deil blin' them wi' the stoure o't, And write their names in his black beuk, Wha gae the Whigs the power o't! [Our sad decay in Church and State Surpasses my descriving: The Whigs cam o'er us for a curse, An' we hae done wi' thriving.] Grim Vengeance lang has taen a nap, But we may see him waukin; Gude help the day when royal heads Are hunted like a maukin! No. 278; printed pp. 260–260; PDF pp. 316–316 https://deriv.nls.uk/dcn23/9125/91259652.23.pdf#page=316