My Harry was a gallant gay Dick · 1903 · no. 289 My Harry was a gallant gay, Fu' stately strade he on the plain; But now he's banish'd far away; I'll never see him back again. Chorus. O, for him back again! O, for him back again! I wad gie a' Knockhaspie's land For Highland Harry back again. When a' the lave gae to their bed, I wander dowie up the glen, I set me down and greet my fill, And ay I wish him back again. O, were some villains hangit high, And ilka body had their ain, Then I might see the joyfu' sight, My Highland Harry back again! No. 289; printed pp. 272–273; PDF pp. 328–329 https://deriv.nls.uk/dcn23/9125/91259652.23.pdf#page=328