The Ploughman Dick · 1903 · no. 153 The ploughman, he's a bonie lad, His mind is ever true, jo! His garters knit below his knee, His bonnet it is blue, jo. Chorus. Then up wi't a', my ploughman lad, And hey, my merry ploughman! Of a' the trades that I do ken, Commend me to the ploughman! I hae been east, I hae been west, I hae been at Saint Johnston; The boniest sight that e'er I saw Was the ploughman laddie dancin. Snaw-white stockins on his legs, And siller buckles glancin, A gude blue bonnet on his head, And O, but he was handsome! Commend me to the barn-yard And the corn-mou, man! I never gat my coggie fou Till I met wi' the ploughman. No. 153; printed pp. 138–138; PDF pp. 194–194 https://deriv.nls.uk/dcn23/9125/91259652.23.pdf#page=194