Up in the Morning early 1855 · Up in the Morning early — Cunningham1855 Up in the morning’s no for me, Up in the morning early; When a’ the hills are cover’d wi’ snaw, I’m sure it’s winter fairly. Cauld blaws the wind frae east to west, The drift is driving sairly; Sae loud and shill I hear the blast, I’m sure it’s winter fairly. The birds sit chittering in the thorn, A’ day they fare but sparely; And lang’s the night frae e’en to morn— I’m sure it’s winter fairly. Up in the morning’s no for me, Up in the morning early; When a’ the hills are cover’d wi’ snaw, I’m sure it’s winter fairly. printed 225; HTML #songsXLIII https://www.gutenberg.org/files/18500/18500-h/18500-h.htm#songsXLIII