Bonnie Peggy Alison Cunningham · 1855 · Bonnie Peggy Alison I’ll kiss thee yet, yet, An’ I’ll kiss thee o’er again; An’ I’ll kiss thee yet, yet, My bonnie Peggy Alison! Ilk care and fear, when thou art near, I ever mair defy them, O; Young kings upon their hansel throne Are no sae blest as I am, O! When in my arms, wi’ a’ thy charms, I clasp my countless treasure, O, I seek nae mair o’ Heaven to share Than sic a moment’s pleasure, O! And by thy een, sae bonnie blue, I swear, I’m thine for ever, O!— And on thy lips I seal my vow, And break it shall I never, O! I’ll kiss thee yet, yet, An’ I’ll kiss thee o’er again; An’ I’ll kiss thee yet, yet, My bonnie Peggy Alison! printed 214; HTML #songsXVI https://www.gutenberg.org/files/18500/18500-h/18500-h.htm