Ilk care and fear, when thou art near Dick edition (1903) · no. 54 CHORUS And I'll kiss thee yet, yet, And I'll kiss thee o'er again; And I'll kiss thee yet, yet, My bonie Peggy Alison. Ilk care and fear, when thou art near, I ever mair defy them, O; Young kings upon their hansel throne Are no sae blest as I am, O! When in my arms, wi' a' thy charms, I clasp my countless treasure, O; I seek nae mair o' Heav'n to share Than sic a moment's pleasure, O! And by thy een, sae bonie blue, I swear I'm thine for ever, O! And on thy lips I seal my vow, And break it shall I never, O! Dick1903 no.54; printed 55–55; PDF111–111 https://deriv.nls.uk/dcn23/9125/91259652.23.pdf#page=111