The Rain Rins Down thro' Mirryland Town The Scotish Musical Museum · 1839 · volume VI The rain rins down &c. The rain rins down thro' Mirry-land toune, Sae does it down the Pa: Sae does the lads of Mirry-land town, When they play at the ba. Sae does the lads of Mirry-land town When they play at the ba. Then out and cam the Jew's dochter, Said, will ye come in and dine! I winnae cum in, I winnae cum in, Without my play-feres nine. She pow'd an apple reid and white, To intice the young thing in: She pow'd an apple white and reid, And that the sweet bairn did win. And she has tane out a little pen-knife, And low down by her gair, She has twin'd the young thing o' his life, A word he ne'er spake mair. And out and cam the thick thick bluid, And out and cam the thin; And out and cam the bonny herts bluid; Thair was nae life left in. She laid him on a dressing borde, And drest him like a swine, And laughing said, gae now and play With your sweet play-feres nine. She row'd him in a cake of lead, Bade him ly still and sleep, She cast him in a deep draw-well, Was fifty fathom deep. When bells wer rung, and mass was sung And every lady went hame: Than ilk lady had her young son, But lady Helen had nane. She row'd her mantil her about, And sair sair gan she weep: And she ran into the Jewis castle, When they wer all asleep. My bonny Sir Hew, my pretty Sir Hew, I pray thee to me speak: “O lady rinn to the deep draw-well “Gin ye your son wad seek.” Lady Helen ran to the deep draw-well, And knelt upon her knee, My bonny Sir Hew, an ye be here, I pray thee speak to me. The lead is wondrous heavy, mither, The well is wondrous deep, A keen pen-knife sticks in my hert, A word I downae speak. Gae hame, gae hame, my mither dear, Fetch me my winding-sheet, And at the back o' Mirry-land toune, Its there we twa sall meet. The rain rins down &c.; printed pp. 602,602; PDF pp. 102,102 https://digital.nls.uk/87799447#page=102