O Ken Ye What Meg o' the Mill Has Gotten The Scotish Musical Museum · 1839 · volume VI O ken ye what Meg o' the mill has gotten. O ken ye what Meg o' the mill has gotten, An' ken ye what Meg o' the mill has gotten; A braw new naig wi' the tail o' a rotan, And that's what Meg o' the mill has gotten. O ken ye what Meg o' the mill loes dearly, An' ken ye what Meg o' the mill loes dearly, A dram o' gude strunt in a morning early And that's what Meg o' the mill loes dearly. O ken ye how Meg o' the mill was married, And ken ye how Meg o' the mill was married; The Priest he was oxterd, the Clerk he was carried, And that's how Meg o' the mill was married O ken ye how Meg o' the mill was bedded, An ken ye how Meg o' the mill was bedded; The groom gat sae fu' he fell awald beside it, And that's how Meg o' the mill was bedded. O ken ye what Meg o' the mill has gotten.; printed pp. 585,585; PDF pp. 85,85 https://digital.nls.uk/87799447#page=85