The Poor Pedlar The Scotish Musical Museum · 1839 · volume VI The poor Pedlar. There was a noble lady so fair Looking out of her window so high And there she spy'd a poor Pedlar Coming singing out o'er the lee Lee lee coming singing out o'er the lee. She call'd upon her servant man, Her servant that on her did wait, “Gae open the yetts, both braid and wide, “And let the poor pedlar in in in, “And let the poor pedlar in. He set the yetts, both braid and wide, And let the poor pedlar in; And then she took him by the coat neuks, And she led him from room to room room room. Till he came to my lady's room, My lady's room where she lay; “I wad gie a' my pack he said, “For the night of a gay lady, lady. “Wilt thou gie me my pack again, “My pack, and my pack pinn, “An' thou gie me my pack he said, “I'll gie thee both broach and ring, ring ring, “I'll no gie thee thy pack again, “Thy pack nor thy pack pinn; “I'll no gie thee thy pack she said, “Tho' thou wad greet till thine e'en gae blin gae blin. Out then spak the noble lord, Out of his bow'r within, “O who is this into my house “That makes such a noise and dinn dinn dinn. “As I came through your garden Sir, “I pull'd some of your flowers; “A box of spice was in my pack, “And I borrowed a morter of yours of yours. “Gi'e the poor pedlar his pack again, “His pack and his pack pinn, “Keep nathing frae a poor pedlar, “Who has a' his living to win to win. She took the pack by the twa neuks, And she flang it out o'er the wa', “Upo' my sooth, quo the poor pedlar, “My pack it has gotten a fa' fa' fa'. He took the pack upon his back, Went singing out o'er the lee, “O I hae gotten my pack again, “And the kiss of a gay lady, lady. The poor Pedlar.; printed pp. 582,583; PDF pp. 82,83 https://digital.nls.uk/87799447#page=82