Argyll Is My Name The Scotish Musical Museum · 1839 · volume VI Argyll is my name. Argyll is my name, and you may think it strange, To live at a court, and never to change All falsehood and flattery I do disdain In my secret thoughts nae guile does remain. My King and my country's foes I have fac'd In city or battle I ne'er was disgrac'd I do ev'ry thing for my country's weel An' I'll feast upon bannocks o' barley-meal. Adieu to the courtie of London town, For to my ain country I will gang down; At the sight of Kirkcaldy ance again, I'll cock up my bonnet, and march amain. O the muckle de'il tak a' your noise and strife, I'm fully resolv'd for a country life, Where a' the bra' lasses, wha kens me well, Will feed me wi' bannocks o' barley-meal. I'll quickly lay down my sword and my gun, And I'll put my plaid and my bonnet on, Wi' my plaiding stockings and leather-heel'd shoon; They'll mak me appear a fine sprightly loon. And when I am drest thus frae tap to tae, Hame to my Maggie I think for to gae. Wi' my claymore hanging down to my heel, To whang at the bannocks o' barley-meal. I'll buy a fine present to bring to my dear, A pair of fine garters for Maggie to wear; And some pretty things else, I do declare, When she gangs wi' me to Paisley fair. And whan we are married we'll keep a cow, My Maggie sall milk her, and I will plow: We'll live a' the winter on beef and lang-kail, And whang at the bannocks o' barley-meal. If my Maggie shou'd chance to bring me a son, He's fight for his King, as his daddy has done; I'll send him to Flanders some breeding to learn, Syne hame into Scotland and keep a farm. And thus we'll live and industrious be, And wha'll be sae great as my Maggie and me; We'll soon grow as fat as a Norway seal, Wi' feeding on bannocks o' barley-meal. Argyll is my name.; printed pp. 578,579; PDF pp. 78,79 https://digital.nls.uk/87799447#page=78