O Gin I Were Fairly Shot o' Her The Scotish Musical Museum · 1839 · volume VI O gin I were fairly shot o' her. CHORUS O gin I were fairly shot o' her Fairly fairly fairly shot o' her, O gin I were fairly shot o' her If she were dead I wad dance on the tap o' her. 'Till we were married I cou'd na see light till her For a month after a' thing ay gaed right wi' her But these ten years I hae pray'd for a wright to her O gin I were fairly shot o' her. Nane o' her relations or frien's cou'd stay wi' her The neighbours and bairns are fain to fly frae her, An' I my ain sell is forc'd to gie way till her She gangs aye sae braw, shes sae mickle pride in her There's no a goodwife in the haill country side like her Wi' dress an' wi' drink the d-l wadna bide wi' her If the time wou'd but come that to the kirk gate wi' her An' into the yerd I'd mak my sell quit o' her I'd then be as blyth as first when I met wi' her O gin I were fairly shot o' her.; printed pp. 576,576; PDF pp. 76,76 https://digital.nls.uk/87799447#page=76