When the Days They Are Lang The Scotish Musical Museum · 1839 · volume VI When the days they are lang. When the days they are lang, an' the fields they grow green, Fal lal lal lal la fa la ra at Lammingtown ev'ry year may be seen, Fal lal lal lal la fa la ra a fouth o' lairds an' ladies too Wi' lads an' lasses nae that few, An' O! the sport is rare to view, Fal lal lal lal la fa la ra. There's mony a filly come in on the score, Fal lal, &c. Wi' galloping graith, clad ahint an' afore, Fal lal, &c. Our ancient Wager for to win, The Prize nae less than forty pun'; To see them is the best o' fun, Fal lal, &c. The rout the town officers held at command, Fal lal, &c. An' Baillies wi' halberts weel scour'd, in their hand, Fal lal, &c. To clear the course, the cause was gude, An' guide the rabble, wild an' rude, For ilka ane on tip-tae stood, Fal lal, &c. Now Kirkfield frae braw Lesmahago came, Fal lal, &c. Our siller, nae doubt, for to tak wi' him hame Fal lal &c. But tho' he cam wi' noise an' din, The beast was unco laith to rin; In short the lad was ahin, Fal lal &c. An' Glentonin's horse, he was fairly out-worn, Fal lal &c. That morning he gat a haill firlet o' corn, Fal lal &c. His groom kept him but carelessly; 'Tho' had he fed him soberly 'Twas thought he wad hae won the gree, Fal lal &c. But Kingledore's mare, she brak aff at the first, Fal lal &c. Sax paces an' mair afore a' the rest, Fal lal &c. She was sae supple an' sae stout, She led the lave a' round about, An' cam in first — as she gade out, Fal lal &c. Now Glentowin's horse, he could do nae mair, Fal lal &c. An' Kirkfiel's, o'er heavy to hae ony share, Fal lal &c. Sae Kingledore's brown bonny mare, Set aff wi' a' our dainty gear, An' caper'd crously thro' the fair Fal lal &c. When the days they are lang.; printed pp. 530,531; PDF pp. 30,31 https://digital.nls.uk/87799447#page=30